Rwyf yn estyn fy nghartref

Mae’r gofynion ar gyfer ehangu eich eiddo yma:

• Cyflwyno cais yn uniongyrchol i’ch cyngor lleol am ganiatâd cynllunio neu gydsyniad rheoliadau adeiladu
• Ffeindio ymhle mae’r prif bibellau dŵr, y draeniau ochrol a’r carthffosydd cyn dechrau unrhyw waith
• Gallwn ddarparu arolwg canfod carthffos i chi neu gallwch gysylltu â chontractwr Safety Schemes in Procurement (SSIP) achrededig.

Os ydych chi’n bwriadu adeiladu dros ben neu o fewn tri metr i un o’n pibellau carthffosiaeth neu’n draeniau ochrol, bydd angen i chi roi gwybod i ni fel y gallwn ystyried hyn wrth adolygu eich cais. I gael rhagor o fanylion am adeiladu ger un o’n pibellau carthffosiaeth neu’n draeniau ochrol, cliciwch yma.

Os ydych chi’n ymestyn eiddo, beth mae angen i chi ei wneud ac ym mha drefn?

Mae ein nodiadau canllaw manwl yn fan cychwyn da, ac maen nhw’n cynnwys rhagor o fanylion ar y ddau fath o ganiatâd sydd ar gael, a beth y byddwn ac na fyddwn yn ei ganiatáu.

Os ydych chi’n bodloni’r meini prawf ar gyfer hunan-ardystio, gallwch lenwi ffurflen gais a byddwn ni’n anfon neges e-bost atoch i gadarnhau a yw’ch ffurflen wedi cael cydsyniad ai peidio.

Os na fyddwch chi’n bodloni’r meini prawf ar gyfer hunan-ardystiad, bydd gofyn i chi gyflwyno cais llawn.

• Hunan-ardystiad - Rhaglen fyrrach lle gallwch ‘hunan-ardystio’ cyhyd â’ch bod chi’n bodloni meini prawf penodol o ran sut y bydd eich gwaith yn amddiffyn ein rhwydwaith o garthffosydd.
• Cais llawn - Proses fwy manwl, sydd ei angen ar gyfer gwaith mwy cymhleth neu risg uwch, sy’n cynnwys asesiad technegol o’ch cynigion gan ein tîm pwrpasol.

Gwneud taliadau diogel am eich ceisiadau ar-lein.

Tracio cynnydd eich ceisiadau ar-lein yn ein porth ar-lein.