Mapiau o brif bibellau dŵr a charthffosydd

Beth fydd y gwasanaeth yn ei ddarparu?

Mae ein planiau ar gael yn y meintiau canlynol: A4 (297 X 210mm), A3 (420 X 297mm) ac A0 (1189 x 841 mm). Byddwn ni’n cynhyrchu’r plan ar raddfa sy’n briodol at eich anghenion yn seiliedig ar y wybodaeth a ddarparwyd.

Nid yw ein mapiau'n dangos ymhle mae cysylltiadau preifat eiddo’n cysylltu â'n rhwydwaith. Am i ni fabwysiadu draeniau ochrol yn rhan o drosglwyddiad 2011, nid yw llawer ohonynt wedi eu plotio ar ein mapiau.

Argymhellir yn gryf eich bod chi'n canfod y carthffosydd cyn mynd ati i gloddio neu adeiladu.

Faint o amser bydd hyn yn ei gymryd?

Pan fyddwch wedi cyflwyno cais ar lein am blan, cewch e-bost sy’n cynnwys y manylion talu cyn pen 2 ddiwrnod gwaith. Pan fydd y taliad wedi dod i law, cewch eich plan trwy e-bost cyn pen 5 diwrnod gwaith.

Beth fydd y gost?

Mae manylion y prisiau ar ein rhestr taliadau sydd yma. Wrth wneud cais ar lein, bydd arnoch angen cerdyn debyd neu gredyd dilys.

Oes ffordd arall o weld ein planiau?

Gallwch archwilio ein mapiau dŵr a charthffosiaeth am ddim yn un o’n hystafelloedd archwilio. I gael rhagor o fanylion am leoliad ein hystafelloedd archwilio, yr oriau agor, neu i drefnu apwyntiad, e-bostiwch developer.services@dwrcymru.com neu ffoniwch 0800 917 2652. Gwasanaeth hunanwasanaeth yw’r ystafell archwilio, ac mae yna gyfarwyddiadau i chi eu dilyn o fewn yr ystafell.

Dylid nodi na chewch dynnu lluniau, sganio nac argraffu copïau o’r mapiau yn ein hystafelloedd archwilio oherwydd cyfyngiadau hawlfraint.

Gallwch weld cofnodion y carthffosydd trwy eich awdurdod lleol (bydd angen i chi gysylltu â nhw’n uniongyrchol i drefnu hyn).

Mae hi'n bwysig nodi

Nid ni yw’r sefydliad cywir i’w holi am blaniau dŵr a charthffosiaeth mewn rhai ardaloedd.

• Yn nhermau planiau dŵr cyhoeddus, yn ardal Heswall, Neston, Whitchurch yn Sir Amwythig, Caer a Wrecsam, bydd angen i chi gysylltu â Hafren Dyfrdwy.
• Am blaniau carthffosiaeth cyhoeddus mewn rhannau o Ledbury, Caerwrangon a Thref-y-clawdd, bydd angen i chi gysylltu â Severn Trent.
• Gallwch ddefnyddio’r chwiliwr cod post yma i gadarnhau a yw’r eiddo yn ein hardal ai peidio.