Cyflwyno ein tîm mabwysiadu carthffosydd

Mewn ymateb i adborth cwsmeriaid, ac i'n galluogi ni i ddarparu'r gwasanaeth gorau posibl ar gyfer ein cwsmeriaid, rydyn ni'n newid ein dulliau o brosesu cytundebau mabwysiadu carthffosydd. Am y tro cyntaf, mae gennym dîm cyfreithiol pwrpasol yn y Gwasanaethau Datblygu a fydd yn delio â chytundebau mabwysiadu. Bydd Cwmni Cyfreithwyr Hugh James yn parhau i’n cefnogi yn hyn o beth. 

Byddwch chi'n gallu rheoli eich cais trwy ein porth ar lein newydd, lle bydd ein tîm yn cysylltu â chi ynghylch unrhyw gytundebau cyfreithiol.

Rydyn ni wedi symleiddio'r broses i'w gwneud yn haws i gwsmeriaid trwy:

• Gyflwyno un ffi sy'n cyfuno'r ffi dechnegol a'r ffi gyfreithiol
• Rhyddhau templedi cytundebau cyfreithiol ar ein gwefan er mwyn lleihau'r amser a gymerir i anfon a llenwi cytundebau
• Sefydlu tîm pwrpasol o fewn y Gwasanaethau Datblygu i leihau'r amser a gymerir i asesu’ch dyluniad a chwblhau'r cytundeb cyfreithiol 

Rydyn ni'n gwerthfawrogi bod y gwahaniaethau deddfwriaethol yng Nghymru a Lloegr yn gallu achosi dryswch, ond mae ein tîm pwrpasol yn y Gwasanaethau Datblygu yma i helpu.

Dyma'r ddolen i'r templedi ar gyfer cytundebau: